البقعة البرتقالية - !لى أبنتى مى الجابري
المكان الباقى لى من هذا الأتساع الهائل , هو بقعة على هيئة قبضة يد طفلة صغيرة , رسمتها ابنتى على الحائط , وضحكت بشفتين مسكرتين : أيه رأيك يا مامي , مش ده قلب جميل ؟
ضحكت وضمتها لحضنى متسألة فى لهفة : لماذا رسمتيها بقعة برتقالية ؟
مع أن القلب دائما يرسم ويلون باللون الأحمر !
أخذتنى فى حضنها الصغير وهى تملس على شعرى برفق : مامى أنا عايزة حاجة مختلفة , حاجة محدش رسمها قبل كدا ؟
ضحكت ونكشت لها شعرها الطويل , وقمت بفك المشبك , ونثرت شعرها على كتفيها , وأنا أقبلها بلهفة وحب : حاجة مختلفة !زاى يا قطة يا شقية ؟
أبتعدت عنى فى دلال , وسارت تتبختر بخطواتها مثل نجمات السينما أو مثل غزالة شاردة رقيقة وقالت : كل الناس بتلون القلب باللون الأحمر .
أنا عايزة قلب لونه برتقالى , لأن الأحمر لون الدم , حد بيحب الدم يا مامي ؟
ضحكت وأنا أقوم من جلستى على الأرض : القلب هو القلب مهما كان لونه , ماحدش بيأكله , حتى ولو كان قلب أبيض !
أخذت الفرشاة والألوان وصارت ترسم على الحائط قلوبا كثيرة وجميلة , وأخذت تلونها بألوان صافية مبهجة , وفى آخر الحائط رسمت قلبا كبيرا أحمر بلون الدم , وضحكت : عشان خاطر مامي ما تزعلش قلب أحمر وقلب أخضر وقلب أبيض , مبسوطة يا مامي ؟
أمسكت الفرشاة ووقفت جوارها وأخذت ارسم فراشات كبيرة وصغيرة وألون معها وأنا أضحك : وعشان خاطر القلوب تعيش وتفرح بألوانها لازم يبقى فيه فراشات حمراء وخضراء وبيضاء وزرقاء .
ضحكت ابنتى , واخذت تلون البيت بلون البهجة والحب .
وأنا وراءها ارسم فراشات بألوان مبهجة .
