اللهم أخزيك ياشيطان

الشيطان يوسو فى أذنى كل يوم ولا يتركها أبدا حتى أثناء النوم يلازم أحلامى المطربة .
بالأمس وسوس لى : السجن بقى مركز للقيادة , كل الكبار هناك بيخططوا ل... قلت له : اللهم أخزيك ياشوشو وبعدين .
مسك ودنى التانية ووسوس : رجعوا محافظة أكتوبر وحلوان لحضن أمهم ليه ؟ صرخت أبعد عن دماغى بقى .
سبنى شوية وراح وسوس لحد ورجع وسوس : هى ماما سوزان راحت سجن القناطر ولا لسه ؟ قلت أبعد ياسو عن ودانى ماعرفش.
أتنطط حبه بره ودنى ورجع وسوس : هو مبارك هيرجع القاهرة ويروح عند ولاده ؟ رفعت الشبشب وضربت راسى وقلت له : أبعد عنى هو أنا اللى هجيبه من شرم الراجل عيان . ضحك بخبث وقهقه : ياعبيطه أنت مصدقه أنه .. ده مؤمن عليه لتهدئة الراى العام خايفين عليه مش أكتر . ضربت أم رأسى فى الحيط وقلت له أطلع بره ودنى ولا أقطعها . ضحك هأهأ : تعملى زى السلفيين .
جريت ولفت فى الشقه ودرت دورات عشان يخرج ويطلع من دماغى ويرحمنى , قلت أحسن حل أجيب فيلم هلس أتفرج عليه يمكن يغور , جبت فيلم التجربة الدينماركية وأتفرجت عليه . نط ودخل ودنى ووسوس : مش عيب ياوزة تشوفى فيلم عبيط وتهدرى وقتك وتفرغى دماغك الصاحية .
جبت أيشارب وربط راسى وخدت قرسين أسبرين وقلت له : اللهم أما أخزيك ياشوشو روح شوف حد غيرى وذن فى ودانه .
قهقه بصوت عالى وهمس : أنا قدرك , مسلط عليك من قبل جهات عليا , ضحكت وهبدت راسى فى الحيط وقلت له : هو مش خلاص مافيش أمن دولة ولا مباحث ولالالالالالالالا .
رقص فوق دماغى ودبدب : ياعبيطة فين دماغك الحلوة . وراح لاطع بوسه مقرفة على راسى ودخل ودنى وذن .
وفضل ماسك ودنى : دودودودودودودودو
جريت وقلت أهرب من خالتى الرغاية وانام .
نط فوق المخدة ورحت حطه راسى عليه وفضل يزن : قومى شوفى دا حصل وحصل وحصل .
جريت وحيطت راسى تحت الحنفية .
وخرجت بالمياة الساقعة تهبط الضغط . لكن هو فضل يزن ويوسوس ..............